Pas numërimit të 36 kutive të para, anëtarët e grupeve të numërimit në Dibër kanë ndalur punën për të pushuar deri në orën 10.00.
Sipas rezultateve të para në 36 kutitë, kandidati i mazhorancës, Muharrem Rama është në diferencë të ndjeshme ndaj Sherefedin Shehut të opozitës.
Rama kryeson me 1231 vota ndaj rivalit. Kandidati i majtë ka 5 362 vota, ndërsa ai i djathtë 4131 vota.
Por është ende herët për të folur për rezultat final pasi janë gjithsej 118 kuti votimi.
Sipas shifrave zyrtare të bëra publike nga KQZ, në votime kanë marrë pjesë 60 përqind e personave me të drejtë vote.
Gjithashtu është vënë re edhe një pjesëmarrje e madhe e femrave, ku si rrallë herë kanë votuar më tepër se meshkujt duke pasur 58% të pjesmarrjes. /tesheshi.com/
