Më shumë se 20 studentë në një shtet indian kanë flijuar vetveten pas dështimit për t’u pranuar në universitet. Kjo ka bërë që të ngritet një grup hetimor, i cili ka zbuluar se softueri i vlerësimit kishte pasur probleme dhe i kishte notuar nxënësit gabimisht.
Prindërit kishin kërkuar një rishikim të rezultateve pasi më shumë se një e treta e nxënësve në shtetin e Telengana dështuan në testin e arrtitshmërisë në shkolla të mesme. Ky test ishte me shumë rëndësi për ta, pasi paraqiste kriter për pranim në arsimin e lartë.
Dyshimet janë shtuar kur shumë studentë që kishin arritur nota të larta në vitin e parë të provimeve, nuk e kishin kalur as vitin e dytë as atë të fundit.
Prindërit i vunë fajin Globarena Technologies Private Limited – kompania e cila i dha softuerin qeverisë së shtetit për të përpunuar rezultatet e provimit. Hetimi tregon se kompania ka shënuar testet e pranimit në mënyrë të pasaktë.
Ndonëse 20 familje mbetën pa fëmijët e tyre faji i gabimeve softuerike, kompania ende nuk është gjobitur, dhe prokuroria po heton ende të dhënat.
Pranimi në universitetet më të mira të Indisë është ndër më sfidueset në botë. Kolegji i Tregtisë Shri Ram i Universitetit të Delhit merr 28,000 aplikime për 400 vende.
Kjo do të thotë se më pak se 2 për qind e aplikantëve hyjnë, një normë pranimi më e ashpër se e Harvardit.
Normat e papunësisë në Indi janë në nivelin më të lartë në 45 vjet, falë “një shpërthimi të popullsisë”, me 1 milion fëmijë të lindur çdo muaj. /tesheshi.com/
