Jordania ka qenë ndër shtetet e para që ka përshëndetur vendimin e konsideruar historik të miratimit nga Këshilli i Sigurimit i OKB-së të rezolutës që kërkon ndërprerjen e kolonizimit izraelit.
Teksti i miratuar kërkon që Izraeli të ndërpresë menjëherë dhe plotësisht çdo aktivitete kolonizimi në territorin palestinez të pushtuar, përfshirë dhe Jerusalemin Lindor.
“Ky vendim është historik. Ai shpreh konsensusin e komunitetit ndërkombëtar për ta konsideruar kolonizimin izraelit si të paligjshëm dhe rikonfirmoi të drejtën historike të popullit palestinez për të jetuar në Jerusalem dhe në tokat e tyre historike”, deklaroi ministri jordanez i Informacionit, Mohamed Momani.
Për herë të parë që prej vitit 1979, SHBA-ja nuk ka vendosur veton për një rezolutë të Këshillit të Sigurimit përsa i përket kolonizimit izraelit, ndërkohë që ka mbështetur deri më tani shtetin hebre për këtë çështje shumë të ndjeshme.
Abstenimi i saj, gjykuar si një votë pro nga 14 anëtarët e tjerë, mundësoi miratimin e këtij teksti. /tesheshi.com/
