Me një shumicë të ngushtë dhe nën tension, Komiteti i Barazisë Gjinore në Parlamentin Europian miratoi një Rezolutë mbi të Drejtat e Grave në Ballkanin Perëndimor. Inisiatore e saj ishte Raportuesja e Parlamentit Evropian për të Drejtat e Grave në Ballkanin Perëndimor, kroatja Biljana Borzan.
“Kjo rezolutë është shumë e rëndësishme për mua. Për vite jam përpjekur që gratë nga Ballkani të jenë prioritet i Parlamentit Europian dhe jam jashtëzakonisht i kënaqur që shumica e kërkesave të mia, me të cilat kam bashkëpunuar me një numër organizatash joqeveritare nga rajoni, janë miratuar”, tha diplomatja kroate.
Rezoluta është dokumenti i parë pas pesë vjetësh në të cilin Parlamenti Evropian shpreh rekomandimet e veta për të drejta më të mëdha të grave në vendet e rajonit.
“Më së shumti, unë jam përqendruar në mbrojtjen e grave kundër dhunës. Për fat të keq, dhuna është një problem i madh në rajon. I ashtuquajturi koncept tradicional i roleve gjinore kërcënon gratë në të gjitha fushat e jetës. Është një problem jashtëzakonisht i madh në rajon, dhe natyrisht është i lidhur me privimin e grave në jetën ekonomike dhe politike”, tha Borzan.
Në Rezolutë është reflektuar pozita e dobët të grave në tregun e punës. Siç tha znj.Borzan, edhe pse ka gra që janë shumë më të arsimuara se kolegët e tyre meshkuj, ato janë në një situatë shumë më të keqe në tregun e punës, vuajnë nga abuzimi dhe zakonisht kujdesen për fëmijët dhe anëtarët e moshuar të familjes.
Te ky qëndrim i fundit, qëndron dhe paradoksi më i madh në qasjen ndaj të drejtave të grave, ngërthyer brenda kauzës së barazisë gjinore. Sepse, nëse një grua konsiderohet e persekutuar nga fakti se kujdeset për fëmijët apo të moshurit, edhe këta dy kategori të fundit duhen gjithashtu të ndihen të persekutuar se gratë – nënat në rastin e parë – nuk kujdesen për ta. /tesheshi.com/
