Presidenti i sapozgjedhur amerikan, Donald Trump ka përcjellë një tjetër mesazh të paprecedent në twitter, duke thënë se “SHBA nuk mund të vazhdojë ta lë Izraelin të trajtohet me përbuzje të tillë totale dhe mosrespekt”. “Qëndro i fortë Izrael, 20 janar është i shpejtë, po afrohet!”, ka shkruar Trump, orë para se Sekretari Kerry ende ne detyrë të mbajë një fjalim lidhur me konfliktin izraelito-palestinez.
Reagimet e Trump në këtë formë dhe me këtë lloj gjuhe, vijnë pas miratimit të rezolutës së Këshillit të Sigurimit të OKB-së, ku vendbanimet hebreje në Jeruzalemin perëndimor konsiderohen të paligjshme dhe duhet të ndërpriten. Rezulota u miratua dhe falë abstenimit të SHBA, një gjest ky i administratës Obama i konsideruar si akt tradhëtie nga Tel Avivi.
Ndërkaq, Trump ka premtuar dhe kalimin e ambasadës amerikane në Izrael, nga Tel Avivi në Jeruzalem, gjë e cila mund ta përshkallzojë jo vetëm tensionin e atjeshëm, por dhe vetë politikën ndërkombëtare. Kjo pasi faktori ndërkombëtar nuk e njeh dhe nuk preferon ta njohë, Jeruzalemin si kryeqytet të Izraelit. /tesheshi.com/
