Në rezolutën e miratuar së fundit në PE në lidhje me Shqipërinë, parlamentarët europianë shprehun shqetësimin e tyre për bojkotin e opozitës, duke bërë thirrje njëherësh për dialog.
“PE inkurajon të gjitha forcat politike që të bëjnë përpjekje të mëtejshme për të krijuar një dialog të mirëfilltë politik dhe për të arritur bashkëpunim konstruktiv, duke mbështetur kështu procesin e reformave; rithekson besimin e tij të fortë se dialogu politik duhet të zhvillohet brenda institucioneve demokratike; është shumë i shqetësuar për bojkotin de facto të procesit parlamentar nga opozita pas pushimit veror të vitit 2018”, thuhet në rezolutë.
Ndër të tjera, rezulta thekson nevojën e avancimit të reformës në drejtësi, me krijimin e instancave të reja.
“PE i bën thirrje autoriteteve shqiptare që sa më parë të përfundojnë krijimin e organeve të reja gjyqësore dhe të kthejnë në gjendje funksionale Gjykatën Kushtetuese dhe Gjykatën e Lartë; PE thekson nevojën për të përfunduar themelimin e Byrosë Kombëtare të Hetimit, të Gjykatës Speciale dhe të Prokurorisë Speciale Kundër Korrupsionit dhe Krimit të Organizuar”, theksohet në rezolutë. /tesheshi.com/
