Xhisiela Maloku, vajza fushëkrujase e cila ka provokuar dhe një tollovi politike nga një aspekt i jetës së saj private në raporte me një djalë deputeti, është shfaqur kësaj radhe edhe kërcënuese ndaj medias. Shkak ishte lënia në burg e Rrexhep Rrajës, partnerit të saj, për të cilin ajo ka bërë muaj më parë denoncim për ushtrim dhune, por më pas e ka tërhequr atë.
Ajo tha se Rrexhepi duhej të lirohej dhe se media nuk duhej merrej më me të.
Do jem këtu për t’a mbështetur. S’jam viktimë. S’kam presion nga njeri. Kam marrëdhënie shumë të mira me të, kam folur. Jemi shokë. Dua të lihet i lirë Rexhep Rraja. E kam thënë të vërtetën për Rexhepin. Do them atë që dua të them është që mediat të mos merren më me jetën time. Për çdo shkrim do t’i çoj në prokurori”, tha shtetasja Xhisiela Maloku.
Pasi u vizatua nga opinioni dhe një pjesë e politikës si një “viktimë” krimi, pasionant por më shumë politik, ajo po i shfaqet tashmë publikut me një pamje e qëndrim sfidues. /tesheshi.com/
