Opozita e dyshes Berisha-Meta organizuan një tjetër protestë, para parlamentit, edhe pse janë parti parlamentare, duke sfiduar kështu dhe ligjet e politikës. Kësisoj, ata trazuan sërish seancën e radhës, duke bërë të pamundur jetën parlamentare normale, pasi duan që Rama të ikë nga qeverisja, në një pretendim të tyre afër fiksimit, se kryeministri ka dashur që të shuajë opozitën me anë të një agjenti të FBI-së(!!!).
Ditët e fundit ata i kanë mëshuar një konspiracioni politik, deri me element thrilleri edhe erotik, duke tentuar që të nxisin protesta. Por rezultati në terren ka qenë krejt jashtë pritshmërive të tyre. Siç protesta e së shtunës, edhe ajo e sotmja ka qenë tejet e vakët, ku thirrjes së tyre për të “rrëzuar Ramën” me “revolucion” i është përgjigjur militanca e verbër e jo ndonjë popull i pretenduar.
Kështu, ata nuk kanë respektuar as ditë zinë për tragjedinë sizmike turke.
Ndërkohë, media vijon t’i raportojë me besnikëri vetëfyese, duke mos filtruar asnjë lloj deklaratat e tyre, sado vulgare e me fantazi të shfrenuar të jenë. /tesheshi.com/
