Reuters raporton, duke cituar dëshmitarë, se punonjësit e ambasadës iraniane hodhën dokumente në një fuçi të ndryshkur, ndërsa zjarri ndriçoi muret e ndërtesës trekatëshe të misionit diplomatik.
Diplomatët iranianë dogjën dokumentet herët në mëngjes në Tiranë para se të largoheshin nga Shqipëria, e cila vendosi të ngrijë marrëdhëniet diplomatike me Teheranin zyrtar për shkak të një sulmi kibernetik të fundit, raporton Reuters.
Reuters raporton, duke cituar dëshmitarë, se punonjësit e ambasadës iraniane hodhën dokumente në një fuçi të ndryshkur, ndërsa zjarri ndriçoi muret e ndërtesës trekatëshe të misionit diplomatik.
Kryeministri Rama tha dje në një fjalim me video se ka urdhëruar stafin diplomatik iranian të mbyllë ambasadën dhe të largohet nga vendi brenda 24 orëve.
Rama tha se sulmi kibernetik i kryer në korrik mund të kishte çuar në paralizimin e shërbimeve publike, fshirjen e sistemeve dixhitale dhe ndërhyrjen në të dhënat e qeverisë, si dhe vjedhjen e postës elektronike të qeverisë, që do të kishte sjellë kaos dhe kërcënonte sigurinë e vendit.
Kërcënimet nga Uashingtoni
Shtetet e Bashkuara akuzuan Iranin për sulmin ndaj Shqipërisë, një anëtare e NATO-s, dhe njoftuan “veprime të mëtejshme për ta mbajtur Teheranin përgjegjës për kërcënimet ndaj sigurisë së një aleati amerikan”, shkruan Reuters.
Irani nga ana tjetër ka dënuar ashpër vendimin e Shqipërisë për të ndërprerë marrëdhëniet diplomatike me Teheranin, duke i hedhur poshtë arsyet e masës si pretendime të pabaza.
Një sulm hakerues muajin e kaluar shkaktoi panik në shërbimet publike shqiptare. /tesheshi.com/
