Agjencia prestigjoze britanike Reuters, ka bërë të ditur në një lajm të sajin nga Brukseli se në muajin maj, Komisioni Europian do t’i propozojë Ministrave të Jashtëm heqjen e vizave edhe për Kosovën.
Agjencia britanike thekson në raportin e saj, se Kosova nuk do të jetë e vetmja që do të përfitojë nga zgjerimi i përfituesve për të udhëtuar në zonën Shengen, por këtë fat do ta kenë edhe qytetarët e Ukrainës.
Gjithçka bëhet në kuadër të politikës së fortë të përplasjes me Rusinë. Ndërkaq, Hollanda është shprehur kundër hapjes së procesit për Kosovën dhe Ukrainën por siç mësohet, në Bruksel po zhvillohen negociata intensive.
Presidenti i Komisionit Evropian, Jean-Claude Juncker, në muajin mars të këtij viti i ka premtuar presidentit të Ukrainës, Petro Poroshenko, se kjo çështje do të mbyllet në prill. Ukraina është shtet i madh me 45 milionë banorë.
Liderët e BE-së kanë premtuar përshpejtimin e procesit të liberalizimit të vizave edhe me Turqinë.
/tesheshi.com/
