Marche Ferdous ka filluar me shpërndarjen e ushqimit falas rreth katër muaj më parë, në një përpjekje për të ndihmuar nevojtarët, kryesisht njerëz të pastrehë.
“Ne nuk shtrojmë ndonjë pyetje, ne nuk gjykojmë njerëzit”, mediat kanadeze citojnë të thotë bashkë-pronari i restorantit, Yahya Hashemi. “Ata duan të hanë, ne u japim atyre ushqimin. Kjo është ajo, kjo është e gjitha”.
E vetmja shenjë e bujarisë së restorantit është një fletë e thjeshtë A4 në derë. “Njerëzit që nuk kanë të holla janë të mirëpritur për të ngrënë pa pagesë”, shkruhet në anglisht dhe frëngjisht. Çdo ditë, katër ose pesë vakte ushqimi jepen falas.
Hashemi thotë se ndihma për nevojtarët ishte pjesë e besimit të tij si musliman, dhe se ai donte që me këtë gjest t’i jepte dhe diçka Kanadasë, këtij vendi të cilin e ndjen se i ka dhënë atij aq shumë.
Ai i tha CBC News që konsumatorët e vetëdijshëm për këtë gjest dashamirësie, kishin filluar ta mbështesin atë duke i lënë të holla për të financuar ushqimin për të tjerët.
“Ata vijnë këtu, dhe japin 20CDN (15euro), 30CDN (21euro), 50CDN (35euro) dhe thonë: “Mirë, njerëzit nevojtarë që vijnë pas meje do të jenë në llogarinë time”, thotë Hashemi.
CTV News Montreal ka cituar kuzhinierin e restorantit, Abdelkader Bejaoui, i cili thotë se “projekti nuk është ndonjë punë e madhe”. “Ushqimi që ka tepruar do hidhet gjatë natës. Kështu që pse të mos e japim atë për ata në nevojë?”, ka thënë ai.
Bashkë-pronari, Ala Amiry pajtohet me këtë: “Ky është një gjest i vogël, që ne shpresojmë se mund t’i bëjë njerëzit në një situatë të vështirë të ndjehen pak më mirë”, tha ai për Gazetën Montreal.
Marche Ferdous ka mbledhur nje Fanclub ne internet, pasi një klient thuhet se ka provuar të testojë një praktikë për shërbim gratis.
Sean Jalbert, i cili punon aty pranë, thotë se ai i ka thënë stafit se nuk kishte të holla dhe ishte pritur shumë ngrohtë me një vakt me kosto të lirë. Ai tha se ishte “tronditur” nga kjo dhe kishte filluar të paguajë rregullisht në mënyrë të plotë, aq sa xhepi i tij mund të përballonte.
Mr. Jalbert ndau përvojën e tij në Facebook, duke çuar në një numër jashtëzakonisht të madh të komenteve në mbështetje të restorantit. /tesheshi.com/
