Reshjet gjatë orëve të natës, përveç uljes së temperaturave, duket se kanë ndikuar negativisht në rrjetin e shpërndarjes së energjisë elektrike. Kjo për shkak të defekteve që janë shkaktuar në disa zona të vendit, të cilat kanë mbetur pa energji.
OSHEE sh.a është duke ndjekur me përparësi furnizimin me energji elektrike të të gjithë konsumatorëve, nisur nga situata e krijuar në rrjetin e shpërndarjes së energjisë elektrike nga Drejtoria e TL dhe Drejtoritë Rajonale përkatëse.
Operatori njofton se ne terren vijojnë punën brigadat e avarisë, të cilët deri më tani kanë riparuar 85 % të defekteve të krijuara nga moti i keq në rrjetin e tensionit të mesëm e të ulët. Numri më i madh i defekteve i përket zonave rurale.
Defektet janë të llojit: këputje përcjellësesh, thyerje izolatoresh në linja dhe dëmtime shkarkuesesh.
Shkak i vonesës në riparimin e defekteve të mbetura është edhe terreni i vështirë në zonat ku kalojnë këto linja.
Pengesë ka shfaqur dhe fakti që një pjesë e defekteve në kryeqytet janë në kabinat private ku ka munguar gdishmèria.për lejimin e grupeve të OSHEE, që të ndërhynin sa më shpejt.
Zonat e prekura nga defektet
Rajoni Tiranë: Valias ( pjesërisht) energjia pritet të rikthehet sa më shpejt.
Ndërkohë në orën 13.30 ka shfaqur defekt një fider qe furnizon me energji një pjesë të abonentëve në rrugën Ali Demi
Rajoni Durrës: Nikel / Fushë Krujë
Rajoni Berat: pjesërisht Potom , Tomorricë/Skrapar
Rajoni Fier: Levan
Rajoni Vlorë: pjesërisht Xhuherinë
Rajoni Shkodër: Rrethina/Shkodër; pjesërisht Lac Vau Dejës
Rajoni Kukës: pjesërisht Margegaj, Lekbibaj, Pac/B.Curri ; pjesërisht qytet Krumë
Brigadat e terrenit të kompanisë OSHEE po punojnë për eleminimin sa më të shpejtë të difekteve. Të gjithë fiderat që furnizojnë me energji elektrike konsumatorët e rëndësisë së vecantë janë në punë. /tesheshi.com/
