Gjatë 24 orëve të fundit si pasojë e reshjeve të mëdha të borës janë shkaktuar shumë aksidente në fshatra e qytete të ndryshme në Kosovë.
Sipas policisë janë shënuar 15 aksidente trafiku me të lënduar, ndërsa 45 aksidente pa të lënduar.
Policia apelon tek të gjithë pjesëmarrësit në trafikun rrugor të shtojnë vigjilencën e tyre dhe t’u përmbahen rregullave të trafikut, t’u përshtaten kushteve të rrugës dhe të kenë pajisjet e nevojshme dimërore në pajtim me ligjin mbi trafikun rrugor, në mënyrë që edhe ata të kontribuojnë në reduktimin apo shmangien e aksidenteve.
“Duke iu referuar informacioneve zyrtare të pranuara nga të gjitha drejtoritë rajonale policore, përkundër këtyre të reshurave të borës të gjitha rrugët rajonale, magjistrale dhe ato urbane në Kosovë janë të kalueshme edhe pse në disa prej tyre kalimi është më i vështirësuar dhe kryesisht për mjete të rënda të transportit. Rrugët në të cilat janë paraqitur vështirësi për qarkullim janë kryesisht rrugët ku përfshihen zonat malore por edhe disa rrugë dytësore, në fshatra të komunave të ndryshme”, thuhet në njoftim.
Ndryshe, mot i keq po mbretëron edhe në Shqipëri për çka kreu i Tiranës, Erion Veliaj, ka mbledhur ekipet e emergjencës për të bërë planin për përballimin e situatës. /tesheshi.com/
