Numri është mbresëlënës, sikurse janë dhe pamjet. Rrallë ndodh të jesh pjesë e një spektakli të tillë. Thuajse 100 mijë persona kanë ngelur të bllokuar në hyrje të një stacioni hekurudhor në Guanzhou, për shkak të reshjeve të mëdha të dëborës që kanë goditur Kinën qendrore, duke shkaktuar probleme serioze me transportin publik.
Reshjet kanë rënë në prag të vitit të ri kinez, kohë gjatë së cilës shumë punëtorë marrin leje për të kaluar disa ditë pushimi në familjet e tyre dhe udhëtojnë nga njëri qytet në tjetrin.
Një numër i madh trenash të Kinës veriore dhe asaj qendrore kanë shkaktuar vonesa të shumta, duke i lënë udhëtarët në pritje për orë të tëra. Mbi 50 mijë persona janë ende duke pritur në hyrjen e stacionit në Guangzhou, në pritje të nisjes, ndërkohë që policia lokale ka dërguar në vendngjarje mbi 5200 agjentë për të ruajtur rendin dhe sigurinë. /tesheshi.com/
