Partia Republikane ka vendosur me sa duket të garojë e vetme në zgjedhjet e ardhshme, me një listë të saj kandidatësh në 12 qarqet.
Republikanët janë aleatët historikë të PD-së, e megjithatë, nga sa mësohet, nuk është bërë e mundur një marrëveshje mes palëve në negociata.
Oferta e Bashës ngjan të ketë qenë e pamjaftueshme, ndërsa sipas Top Channel-it, republikanët kanë kërkuar dy vende të sigurta në listën e kandidatëve të Partisë Demokratike.
Negociatat e PD-së me agrarët e Agron Dukës po ashtu nuk janë përmbyllur ende me një marrëveshje, çka mund t’i bëjë dhe ata të garojnë të vetëm në zgjedhjet e ardhshme.
Demokratët kanë gjetur gjithsesi gjuhën e përbashkët me tre aleatë të tjerë, PBDNJ-në, PDK-në dhe LZHK-në, kryetarët e të cilëve do të jenë pjesë e listës fituese të PD-së. /tesheshi.com/
