Senatorët republikanë John McCain dhe Lindsey Graham, të cilët njihen gjerësisht për politikën e tyre konservatore dhe mbështetjen ndaj ndërhyrjeve ushtarake, kanë kritikuar ashpër kandidatin e partisë së tyre për president të SHBA-ve, Donald Trump në lidhje me qëndrimet e tij ndaj politikës së jashtme.
McCain gjatë një interviste televizive të dhënë në ambasadën amerikane në Kabul është shprehur që mendon se as Trump e as rivalja e tij nga partia demokratike, Hillary Clinton “nuk kanë as strategjinë, as perspektivën e domosdoshme” për të kryer me sukses funksionin e komandantit suprem të ushtrisë amerikane.
Graham ka deklaruar se si komentet e Trump për pranimin e regjimit sirian “flasin për faktin se ata nuk kanë idenë se çfarë do të thotë kjo për rajonin”.
Graham po ashtu ka mbështetur propozimin e Clinton për zonën e ndalimit të fluturimeve, duke quajtur këtë “hap të shkëlqyeshëm në drejtimin e duhur”.
McCain ka thënë se, pavarësisht kësaj ai do të mbështesë Trumpin për kandidatin republikan për president, derisa Graham ka thënë se nuk do të votojë as për Trump as për Clinton. /tesheshi.com/
