Ligjvënësit republikanë kanë njoftuar një padi kundër kryetares demokrate të Dhomës së Komngresit, Nancy Pelosi për lejimin e kongresmenëve të votojnë në vend të atyre që nuk janë personalisht, e kjo për shkak të masave epidemiologjike gjatë pandemisë së virusit koronar.
Duke ngritur një proces gjyqësor në gjykatën federale në Uashington, republikanët duan të shfuqizojnë sistemin e ri të pranuar nga mazhoranca demokratike në Kongres për të lejuar që Capitol të funksionojë normalisht duke respektuar masat distancuese sociale.
Ata pretendojnë se ndryshimi i rregullave ishte antikushtetues.
Rregullat e reja, të miratuara në fillim të këtij muaji, si pjesë e një pakete masash prej 3 trilion dollarësh që ende nuk konsiderohen nga Senati me shumicë republikane, lejojnë anëtarët të votojnë nga jashtë duke i kërkuar një prej deputetëve të pranishëm të votojë për ta.
Përndryshe, votimi i 435 deputetëve në grupe më të vogla do të zgjaste me orë.
Kongresi nuk është përbërësi i vetëm i qeverisë federale amerikane që përshtat sjelljen e saj me rrethanat e pandemisë.
Gjykata Supreme zhvilloi seanca dëgjimore për herë të parë këtë muaj me lidhje online. /tesheshi.com/
