Sipas Reporterëve pa Kufij (RSF), gati gjysma e 400 gazetarëve të burgosur në të gjithë botën janë në vetëm tre vende: Kina, Egjipti dhe Arabia Saudite, raporton dpa.
Qeveritë në ato vende kanë rritur presionin ndaj njerëzve që punojnë në media, tha Michael Rediske, zëdhënës i bordit të RSF, përpara publikimit të raportit të tyre vjetor për lirinë e mediave në Berlin.
Sipas RSF, 120 gazetarë janë vetëm në burgje në Kinë. Më shumë se 40 përqind e tyre janë gazetarë amatorë, të cilët përkundër rritjes së censurës, kërkojnë të shpërndajnë informacion të pavarur përmes rrjeteve sociale.
Shumica e gazetarëve të burgosur në vitin 2019 i përkasin pakicës muslimane ujgure.
Të paktën 49 gazetarë dhe profesionistë të tjerë të mediave janë vrarë në të gjithë botën për punën e tyre që nga fillimi i vitit, dhe më shumë se gjysma në Siri, Meksikë, Afganistan, Pakistan dhe Somali.
Në mënyrë të konsiderueshme, më pak personel në media janë vrarë në konflikt të armatosur sesa vitet e kaluara, njoftoi RSF.
Një vend ku nuk ka luftë si Meksika është po aq e rrezikshme për gazetarët sot sa Siria është e shkatërruar nga lufta, tha Rediske.
Vendi ku gazetarët janë vrarë më shumë është Siria, me 10 sosh, Meksika (gjithashtu 10), Afganistani (5), Pakistani (4) dhe Somalia (3).
RSF ka konfirmuar se aktualisht ka 389 profesionistë të mediave janë në burg, me 12 përqind më shumë se vitet e kaluara. /tesheshi.com/
