Ukraina dhe beteja e saj me separatistët prorusë duket se ka dalë nga vëmendja e medias ndërkombëtare. Në një reportazh të Al Jazeera-s sillet në vëmendje se lufta nuk ka mbaruar atje, dhe se përditë ushtarët ukrainas humbin jetën në kufirin lindor të Bashkimit Europian.
Reportazhi mes ushtarëve ukrainas vë në dukje se armatimet e tyre duken sikur kanë dalë nga filmat disa-dhjetëvjecarë të vjetër, e nuk ngjasojnë me mjetet moderne të luftimit.
Kjo luftë po i kushton Ukrainës më shume sesa mund të përballojë secili vend që ndodhet në recession ekonomik.
Mbështetja ndërkombëtare nuk është ajo që u kërkua të ishte dhe realiteti në terren tregon se vendi po shpartallohet.
Rrugët në vijën e frontit janë aq të dëmtuara sa nuk ngjasojnë me me rrugët e asfaltuara që ishin, por në rastin më të mirë me rrugë fshati me gropa.
Për shkak të përshkallëzimit të luftës, Ukraina ka në fuqi mobilizim të përkohshëm për të mbushur radhët e Ushtrisë.
Shumë pak prej trupave të reja janë ushtarë profesionistë. “Dua të mbaroj vitin tim të shërbimit dhe të kthehem në shtëpi. Jam një avokat, jo një ushtar”, thotë njëri prej tyre.
Pavarësisht armëpushimit të arritur në Minsk, nënshkruar në shkurt, shkëmbimi i zjarrit në linjën e frontit nuk ka pushuar. Ushtria ukrainase vijon të humbë ushtarë përditë… /tesheshi/
