Parlamenti është karakterizuar nga debate të ashpra ku në qendër kanë qenë replikat mes kryeministrit Rama dhe ish-paraardhësit të tij Berisha.
Ato, veç politike, kanë patur dhe aspekte të përfoljes morale.
Berisha i ka kujtuar Ramës një frazë thënë prej tij në fundin e fushatës së parë elektorale për zgjedhjet në Bashkinë e Tiranës, ku përballë kishte Besnik Mustafajin nga PD.
“Po, sepse ai nuk njeh asnjë normë. Na foli për moral, po gjeni pak debatin e tij me Besnik Mustafën. I tha: nuk vjedh, nuk vras, nuk marr gruan e shokut. Ai i bën të treja”, tha Berisha.
Dhe kjo është plotësisht e vërtetë. Rama dhe Besnik Mustafaj, ishin në një përballje mes tyre në një studio të improvizuar nga Blendi Fevziu në ambientet e Teatrit Kombëtar – te ish-Rubairat. Dhe fjalët që citoi Berisha ishin ato që mbyllen debatin, thënë nga Rama.
Dhe nuk është fjala për dy të parat, vrasjen dhe vjedhjen, por për të fundit. Aludimi ka qenë i qartë. Rama e Mustafaj kanë patur një njohje intelektuale mes tyre në para dhe pas Dhjetorit ’90, duke qenë se vinin nga sfera të pëbashkëta të interesit artistik. Duke qenë të tillë, ia njihnin njëri-tjetrit dhe aspekte të jetës private. Rama i tha ato fjalë para rivalit politik, duke patur parasysh një raport të tij me një emër nga fushata e letrave, e njohur për përfshirjen e saj në Lëvizjen e Dhjetorit e më pas në strukturat e PD, me rol dhe në shtypin demokrat. I shoqi i saj, po ashtu shkrimtar me emër në atë kohë, njihej si mik i Mustafajit.
Të njëjtën gjë pretendon dhe Berisha për Ramën, gjë të cilën e shprehu dhe në replika. /tesheshi.com/
