Italia mbështet marrëveshjen bërthamore me Teheranin dhe këtë besim kryeministri Matteo Renzi e ka shprehur gjatë vizitës në Izrael, kundërshtarin pothuajse të vetëm të paktit me Teheranin. Gjithsesi, ai ka deklaruar se siguria e Izraelit është një detyrë dhe një e drejtë.
Renzi takoi kreun e qeverisë së Tel Avivit, Benjamin Netanjahu që nga ana e tij e cilësoi marrëveshjen me Iranin një kërcënim për Izraelin.
“Europa dhe e gjithë bota po bëjnë që Teherani të ketë kushte për të disponuar dhjetëra armë atomike brenda 10 vjetësh”, tha Netanjahu.
Pavarësisht diferencave në qëndrime ndaj marrëveshjes me Iranin, Netanjahu ka vënë në dukje marrëdhëniet e mira me Italinë, duke I konsideruar ato speciale. Sipas tij, lidhjet mes dy vendeve datojnë që 2 mijë vjet më parë, pasi të gjithë e dinë se rrënjët e civilizimit lidhen me dy kryeqytetet antike, Romën e Jeruzalemin. /tesheshi/
