Rëniet nga dritarja në Rusi, radhën e ka një grua…

Në një sagë vdekjesh të çuditshme në Rusi, radhën e ka një grua. Valentina Bondarenko, një ekonomiste ruse, ka vdekur në moshën 82-vjeçare pasi ra nga dritarja e banesës së saj në Moskë, njoftuan mediat shtetërore ruse.

Bondarenko, një bashkëpunëtore kryesore kërkimore në Institutin Ekonomik të Akademisë së Shkencave Ruse në Moskë, ra nga dritarja e banesës së saj pardje, thanë shërbimet e urgjencës për agjencinë e lajmeve TASS.

“Ajo ra nga dritarja e banesës së saj, për fat të keq, nuk ishte e mundur ta shpëtonte atë”, tha burimi, sipas Newsweek.

E njëjta media kontaktoi Ministrinë e Punëve të Jashtme ruse për një koment me email, por nuk morën përgjigje.

Dhe ndërsa rrethanat e vdekjes së saj mbeten ende të paqarta, Newsweek kujton se shumë zyrtarë rusë kanë vdekur pasi “kanë rënë nga dritarja” që kur presidenti rus Vladimir Putin filloi agresionin kundër Ukrainës në shkurt 2022. /tesheshi.com/