Dy pilotë u thanë kontrollorëve të trafikut ajror se një motor ishte ndalur së funksionuari dhe se ata kishin nevojë për ndihmë.
Ndodhi kjo të premten me një aeroplan Kargo Boeing 737 që ra në sipërfaqen e Oqeanit Paqësor afër Hawaiit.
A Boeing 737 cargo plane has gone down in the water off Honolulu after experiencing engine trouble; severity of crash, extent of rescue operation unclear at this time – sources pic.twitter.com/dTfSix4Sqt
— CNBC Now (@CNBCnow) July 2, 2021
“Kjo nuk duket mirë”, tha një nga pilotët para se Boeing 737 të rrëzohej kur preku ujin.
Të dy pilotët, anëtarët e vetëm të ekuipazhit, u plagosën rëndë, por i mbijetuan përplasjes.
Një orë më vonë, ekipet e shpëtimit i gjetën ata të kapur pas paketave dhe pjesëve të avionit, thanë autoritetet.
“Njëri ishte në bisht, dhe tjetri po mbahej në paketat që notonin në sipërfaqen e oqeanit,” raportojnë mediat amerikane.
Ndërsa helikopteri i Rojës Bregdetare u afrua, avioni filloi të fundosej, kështu që një nga pilotët u mbaj në bisht që po ngrihej. Ekipet e shpëtimit e ngritën atë në mënyrë të sigurt në helikopter, kështu dhe me tjetrin pilot.
Pilotët e fluturimit Transair 810 në linjën lokale nga Honolulu në Maui raportuan një problem me motorin dhe u përpoqën të ktheheshin në Honolulu, sipas një deklarate nga Administrata Federale e Aviacionit (FAA).
“Ne kemi humbur motorin numër 1 dhe po vijmë drejt e në aeroport,” tha një nga pilotët e kontrollit të fluturimit.
“Ne do të kemi nevojë për zjarrfikës. Ka një shans që të humbasim një motor tjetër, është mbinxehur. Shpejtësia jonë është shumë e ulët,” shtoi ai.
Pilotët, identiteti i të cilëve nuk u dha, u transportuan në spital.
Mediat amerikane raportojnë se një prej tyre, 58-vjeç, është në gjendje kritike.
Piloti tjetër, një 50-vjeçar, ishte në gjendje të rëndë, me një dëmtim në kokë. /tesheshi.com/
