Sot është “dita e tersit” për Perëndimin, e cila i referohet së martës, ndonëse sot është e dielë.
Kjo konsiderohet si bestytnia kryesore në botën pa shumë mistikë të Perëndimit(ose atë ish-bizantine), gjithsesi me jo pak trashëgimi të krishterë, por më së shumti me trashëgimi greko-romake. Është dita e rënies së Kostandinopojës, e cila qysh atë të martë të 29 majit të vitit 1453, do futej nën sundimin Osman, për të qenë sot e kësaj dite metropoli më i madh turk, Stambolli.
Bota fetare e krishterë, si dhe ajo politike dhe gjeopolitike e gjestrategjike në Perëndim, vijojnë ta vuajnë faktin se Stambolli, aty ku ndodhen “çelësat e botës”, nuk është në zotërimin e tyre. Ndaj dhe rënien e Kostandinopojës e konsideruan “ditë apokaliptike”, e ardhur më pas shekuj pas shekujsh si “ditë tersi”. Kjo do të thotë pra që në logjikën e shëndetshme, e marta është një ditë krejt normale dhe aspak që sjell ters.
Kremtimi i kësaj dite për turqit, 569-vjetori i marrjes së Kostandinopojës nga Mehmet Fatihu, mbushi Hagia Sophia-n përplot në faljen e mëngjesit. Kjo ish-Katedrale, kthyer në xhami pas blerjes me flori nga osmanët prej Patriarkanës Ortodokse, është njëherësh simbol i triumfit osman. /tesheshi.com/
