Çmimet e pasurive të paluajtshme në Bashkimin Evropian (BE) ranë me 1.5 për qind në tremujorin e fundit të 2022 krahasuar me tremujorin e mëparshëm.
Zyra Evropiane e Statistikave (Eurostat) ka publikuar të dhënat për çmimet e pasurive të paluajtshme në tremujorin e katërt të 2022.
Sipas të dhënave të fundit, çmimet e pasurive të paluajtshme në BE ranë me 1.5 për qind në tremujorin e fundit të vitit të kaluar krahasuar me tremujorin paraardhës, që është hera e parë që nga viti 2015 që çmimet e pasurive të paluajtshme në vendet e BE-së ranë në baza tremujore.
Megjithatë, çmimet e apartamenteve në BE u rritën me 3.6 për qind krahasuar me të njëjtën periudhë të vitit 2021.
Në të njëjtën periudhë, çmimet e apartamenteve në eurozonë ranë me 1.7 për qind krahasuar me tremujorin e mëparshëm dhe u rritën me 2.9 për qind me bazë vjetore.
Në Danimarkë, në tremujorin e katërt të vitit 2022, krahasuar me tremujorin paraardhës, është shënuar rritje e çmimit të pasurive të paluajtshme prej 6,5 për qind, që është më e larta në BE, e ndjekur nga Gjermania me 5 për qind, Qiproja 4 për qind, Suedia 3,6 për qind, Finlanda. me 3.4 për qind dhe Holanda me 2.6 për qind.
Çmimet e pasurive të paluajtshme në Itali mbetën të qëndrueshme dhe rritja më e lartë e çmimeve u shënua në Kroaci me 4.7 për qind dhe Rumani me 2.5 për qind. /tesheshi.com/
