Ervin Salianji, deputeti demokrat që mund të rrezikojë burgun pas deklarimit si fals të audio-përgjimit të ashtuquajtur “Babale”, reagoi ashpërsisht pasi Krimet e Rënda lëshuan urdhër-arresti për dy autorët, Agim Veliu dhe Fredi Alizoti, njeriu që akuzohet të ketë aktruar zërin e Agron Xhafajt. Sipas Salanjit, Prokuroria zbatoi skenarin e urdhëruar nga Rama.
“Askush nuk u habit sot nga kërkesa e prokurorisë që, nën urdhrat e regjisorit Edi Rama, zbatoi skenarin kriminal të urdhëruar prej tij 5 muaj më parë për të shpëtuar vëllanë e Ministrit të Brendshëm nga akuza për trafik droge. Që ditën e parë, Edi Rama foli për audio përgjim të sajuar. Dhe prokuroria kështu vendosi”, tha ndër të tjera deputeti demokrat gjatë një deklarate për shtyp.
Nga ana tjetër, Rama ka kërkuar që për aferën “Babale” të ndëshkohen dhe ideatorët e saj, që sipas tij gjenden në SHQUP.
E nëse Prokuroria do vendos të ndëshkojë dhe pjesën politike të çështjes, atëherë deputeti Salianji mund të ketë një prej të arrestuarve, pasi ka marrë përsipër gjithçka për audio-përgjimin. /tesheshi.com/
