Të dielën në mëngjes, 8 dhjetor 2024, regjimi i Bashar Al-Assad dhe dinastia e tij, që sunduan Sirinë për më shumë se 50 vjet, ra.
Veprimet e rrufeshme sulmuese të rebelëve dhe fraksioneve, ndaj një regjimi që mbijetoi edhe pas rënies së Pranverës Arabe, sollën që uniformat e ushtrisë siriane, siç raportojnë mediat, të zhgaviten në të gjithë rrugët e qyteteve të Sirisë si një simbol i shembjes përfundimtare e regjimit zyrtar.
Damascus, the first morning after
the fall of the Assad regime pic.twitter.com/QKvHfZ5Pcf— Republicans against Trump (@RpsAgainstTrump) December 8, 2024
Liderët botërorë e kanë ndjekur me vëmendje situatën e re dhe pas lajmit për rënien e regjimit, vijnë reagimet e para. Presidenti i sapozgjedhur i Shteteve të Bashkuara të Amerikës, Donald Trump, i është referuar rënies së regjimit të Asadit në një postim në rrjetin social Truth Social, të cilin ai e zotëron.
“Assad është larguar, ai është larguar nga vendi i tij”, ka shkruar ai. “Mbrojtësi i tij, Rusia, e udhëhequr nga Vladimir Putin, nuk ishte më e interesuar ta mbronin atë. Rusia nuk kishte fare arsye të ishte atje.
Ata humbën çdo interes për Sirinë për shkak të Ukrainës. Rusia dhe Irani janë tani në një gjendje të dobët”.
Një zyrtar i Gardës Revolucionare iraniane iu referua gjithashtu rënies së regjimit të Assadit, duke thënë se “kjo është rënia e Murit të Berlinit të Boshtit”. Ai tha: “Për 11 ditë humbëm gjithçka për të cilën luftuam për 13 vjet”. /tesheshi.com/
