Federata Ndërkombëtare e Xhudos (IJF) ka publikuar renditjen e re të xhudistëve, ku kampionia Majlinda Kelmendi, vazhdon të mbetet e para në botë në kategorinë deri në 52 kg.
Kelmendi ka tubuar 3850 pikë, aq sa kishte edhe muajin e kaluar.
Ndërkaq xhudistja tjetër kosovare Distria Krasniqi, që muajin e kaluar ishte e treta, këtë herë ka rënë për dy pozita, pra në të pestën. Ajo tani ka 2017 pikë, 100 më pak se sa që kishte muajin e kaluar.
Në kategorinë deri 57 kilogram për femra, Nora Gjakova ka rënë për një pozitë, edhe pse ka mbetur në kuotën e 1964 pikëve.
Në konkurrencën e meshkujve, Akil Gjakova në kategorinë deri 66 kg, ndodhet në vendin 163 me 57 pikë të tubuara.
Kujtojmë që garuesit tanë në muajin e fundit nuk kanë marrë pjesë në ndonjë garë./tesheshi.com/
