Sipas hulumtimeve nga kompania ndërkombëtare Global Firepower, ushtrinë më të fortë në botë e kanë Shtetet e Bashkuara, e dyta në radhitje vjen Rusia, dhe e treta është Kina. Pasojnë Franca, Britania e Madhe, Japonia, Turqia, Gjermania, Egjipti, etj.
Ushtria e rankuar në fund të listës është ajo e shtetit aziatik të Butanit, kurse para tij ndodhen Surinami dhe Sierra Leone.
Ushtria e Shqipërisë radhitet në pozitën e 90-të.
Megjithëse për ish-Ushtrinë Popullore Jugosllave (JNA) thuhej se përfaqësonte forcën e katërt ushtarake në Evropë, shtetet e formuara nga shpërbërja e ish-federatës Jugosllave janë në fund të listës së forcave ushtarake, me përjashtim të Kroacisë, e cila ndodhet në mes dhe e zë vendin e 68-të. Ushtria serbe është shumë më keq e rankuar dhe renditet në vendin e 89-të, ndërsa ushtria sllovene e 114-ta.
Ushtria e Bosnjes është radhitur në vendin e 121-të, e ndjekur menjëherë nga Maqedonia. Është interesante që anëtari më i ri i NATO-s, Malit të Zi, as që është përfshirë në listën e forcave ushtarake.
Autorët e analizës morën në konsideratë më shumë se 50 faktorë. Sondazhi vëren se renditja e pjesëmarrësve nuk varet aq shumë nga sasia totale e teknikës ushtarake, sa nga uniformiteti i fuqisë ushtarake të vendit dhe shumëllojshmëria e armëve në dispozicion. Ekspertët nuk morën parasysh armët bërthamore, por forcat bërthamore morën pikë shtesë.
Faktori kryesor në vlerësim ishte numri, kështu që vendet me një numër të madh banorësh, si rregull, kishin një vlerësim më të lartë. Gjithashtu, u morën parasysh pozicioni gjeografik i vendit, fleksibiliteti logjistik dhe sasia e burimeve natyrore. /tesheshi.com/
