Gjermania është ringjitur në çatinë e Botës, në renditjen e fundit të publikuar nga FIFA.
Skuadra e Joakim Low ka kapërcyer edhe Brazilin pas dy fitoreve të fundit që arriti në ndeshjet kualifikuese për Botërorin “Rusi 2018”.
Një kërcim për “së gjati” ka bërë edhe Portugalia e Ronaldos, e cila është ngjitur me 3 vende në renditje, duke u vendosur poshtë Brazilit në vendin e tretë.
Argjentina, Belgjika dhe Polonia kanë vijuar klasifikimin e FIFA-s, pavarësisht se bardh e kaltrit e Mesit, kanë zhgënjyer në ndeshjet e Amerikës Latine.
Zvicra, Franca, Kili dhe Kolumbia kanë plotësuar 10-çen e parë, ndërsa bën habi për këdo, vendosja në vendin e 11-të e Spanjës, e cila jo vetëm fitoi dy ndeshjet e saj kualifikuese, por edhe dhuroi spektakël ndaj Italisë.
Megjithatë, rregullat janë rregulla dhe ndoshta klasifikimi, nuk ka të bëjë vetëm me dy ndeshjet e fundit, por shtrihet edhe më gjerësisht. Ndërkohë mediat britanike, “kanë pickuar” kombëtaren e Anglisë, pasi rivalët e Uellsit, i kanë kaluar në këtë renditje.
Skuadra e Gareth Bejl është renditur në vendin e 13-të, ndërsa ajo e Tre Luanëve, ka mbyllur 15-çen e pare. /tesheshi.com/
