Shqipëria pati një vit të suksesshëm duke arritur kështu të realizojë objektivin “Francë 2016”. Por, kuqezinjtë e drejtuar nga Gianni De Biasi mbyllin vitin në pozicionin e 38-të në klasifikimin e muajit të fundit, dhjetorit.
Megjithëse ka rënë në dy pozicione nga muaji i shkuar, Shqipëria ka përparuar për plotë 20 pozicione nga fillimi i vitit, kur kishte filluar nga vendi i 58-të. Kombëtarja shqiptare, gjithashtu këtë vit pati edhe një sukses tjetër, pasi u rendit në vendin e 22-të, në muajin gusht, pozicionim ky më i miri në historinë e saj.
Në renditjen e përgjithshme, Belgjika rikthehet në vendin e parë, aty ku ishte gjatë një pjese të madhe të vitit. Më pas pozicionohen, Argjentina, Spanja, Gjermania, Kili, Brazili, Portugalia, Kolumbia, Anglia dhe befasia Austria.
Renditja e re e FIFA-s do të bëhet më 7 janar të vitit të ardhshëm.
/tesheshi.com/
