Kur flasim për një qëndrim korrekt nënkuptojmë një pozicionim të caktuar të të gjithë muskujve, kockave dhe trupit në tërësi. Pa një qëndrim të mirë është e pamundur të kemi një performancë të mirë sportive, sidomos për dikë që ka filluar një regjim ushtrimesh. Kjo për arsye se qëndrimi jo korrekt çon në dhimbje të muskujve dhe të nyjeve të kockave e gjithashtu mund të shkaktojë artrit.
Faktorët të cilët çojnë në një qëndrim jo korrekt, janë: këpucë me mbështetësen jo të duhur, ulje apo shtrirje e gabuar, muskuj të dobët etj.
Qëndrim korrekt gjatë ecjes:
Gishtërinjtë e këmbëve duhet të jenë vertikalisht në një nivel me thembrën (pra nuk këshillohen takat, të cilat bëjnë që niveli i thembrës të jetë më i lartë). Shpatullat drejtë, barku pak i futur brenda dhe kraharori pak i nxjerrë jashtë.
Gjatë uljes:
Mirë është të përdoret një karrige me mbështetëse elastike. Ndërsa tavolina duhet të jetë në lartësinë e kraharorit. Nëse punoni në zyrë para kompjuterit gjithë ditën atëherë sigurohuni që çdo 20 minuta të lëvizni nga vendi dhe të ndryshoni pozicion apo dhe të bëni strectching nëse është e nevojshme. /tesheshi.com/
