Kanë kaluar tre dekada që kur prodhuesi francez lançoi Twingo-n e parë.
Renault feston 30-vjetorin e modelit më të vogël, një makinë që pasuroi botën e makinave me pamjen e saj origjinale, por edhe vendosi standarde të reja për sa i përket prakticitetit dhe përdorimit të hapësirës.
Me këtë rast, kompania, në bashkëpunim me dizajneren dhe artisten bashkëkohore Sabine Marcelis, prezanton Twingo-n e vjetër në një edicion krejtësisht të ri.
Makina tani ka panele të zhveshura të trupit që tregojnë strukturën e tyre, dhe fenerët kanë marrë teknologjinë LED, me një hyrje të poshtme të ndriçuar në parakolp. Twingo ka gjithashtu një logo të re të markës, si dhe kapakë të ridizajnuar të pasqyrave anësore.
Në brendësi dominon ngjyra e kuqe me elemente transparente si timoni dhe kabina dixhitale. Sigurisht, çatia panoramike është gjithashtu një pjesë thelbësore e kësaj Twingo-je. /tesheshi.com/
