Gjithë bota i bën ndërhyrjet në rrjetet elektrike dhe ato të ujësjellësit natën që të mos ndërpresin furnizimin për qytetarët: ndërsa ne i bëjmë në mes të ditës.
Ndërmarrja e Ujësjellësit të Tiranës ka njoftuar se gjysma e kryeqytetit shqiptar nuk do të ketë ujë në rubineta.
UKT sh.a njofton se për shkak të punimeve që po kryen OSHEE në linjat e saj, stacioni i pompimit në Qafë Mollë nuk do të furnizohet me energji elektrike.
UKT bën me dije se furnizimi normal me ujë të pijshëm do të fillojë menjëherë sapo energjia elektrike të rikthehet në stacionin e pompimit të Qafë Mollës.
Zonat që preken nga punimet që po kryen OSHEE janë nga Sauku në zemrën e Tiranës:
-Sauk
-Shkozë
-Qesarakë
-Tiranë e Re
-Ali Demi
-Komuna e Parisit
-Rruga e Elbasanit
-Blloku Vasil Shanto
-Dajt
/tesheshi.com/
