Amir Omidvar nga Irani u bë baba në një moshë të pazakontë, 83-vjeçare dhe si thotë ai, kjo foshnje është “dhurata më e mirë nga Zoti”.
Omidvar jetonte në një fshat në Aberkouhu kur u martua për herë të parë në moshën 23 vjeçare. Gruaja e tij e parë vdiq në vitin 2001, pas 50 vjet jete të përbashkët bashkëshortore.
Për aq vite martesë, ai dhe gruaja e tij (e ndjerë) nuk kishin fëmijë, sepse gruaja nuk mund të lindte. Ai nuk donte ta braktiste atë as në ëndërr, vetëm për shkak se Zoti nuk i kishte mundësuar asaj, që si shumica e grave në botë, të sillte një fëmijë në këtë botë.
Pas tre vjetësh nga vdekja e saj, Omidvar u martua për herë të dytë, dhe më në fund ai u bë baba. Djali i tij, i cili ka lindur para 16 ditësh, e i cili quhet Mohammad Esmaeis, është një fëmijë plotësisht i shëndetshëm.
Nga ana tjetër, më e pazakonta në të gjithë këtë histori është gruaja e tij Panah, e cila është vetëm 30 vjeçare dhe lindi një djalë të shëndetshëm.
Ajo thotë se nuk është me rëndësi që burri i saj është më i moshuar se ajo, se ai është i ri në shpirt dhe se ai i ka ofruar asaj një jetë të ëmbël, gjë që ajo e kishte ëndërruar.
Një çift i çuditshëm, do të pajtoheshit, por i cili, të paktën gjykuar në bazë të foshnjës, akoma po funksionon./tesheshi.com/
