Parlamenti i Kosovës ka shënuar atë që mund të quhet rekordi i turpit:
Nga 114 deputetë që kanë nënshkruar ditën e punës, në sallë kanë qenë vetëm 32 sosh, ndërkaq prezent nuk ka figuruar asnjë ministër i qeverisë “Haradinaj”.
Këto shifra i ka dhënë Albert Krasniqi nga Instituti Demokrati i Kosovës që monitoron punën e Kuvendit.
“Aktualisht në sallën plenare të Kuvendit: ministra: 0, deputetë: 32, deputetë të nënshkruar në listë: 114”, shkruan Krasniqi.
Por duhet thënë se kjo nuk është hera e parë që deputetët nënshkruhen si pjesëmarrës në punimet e Kuvendit sa për të marrë ditën e punës dhe më pas largohen nga salla ku shihen në vende të ndryshme me impenjime krejt të tjera. /tesheshi.com/
