Kryeministri Edi Rama, nga Maliqi, gjatë takimit të tij elektoral ka thumbuar kreun e Partisë Demokratike Lulzim Basha.
Gjatë paradites Basha ka përshkuar në këmbë 15 km, gjatë takimeve që zhvilloi me qytetarët në Kamëz dhe Laprakë.
Kaq ka mjaftur dhe kryeministri Edi Rama e ka ironizuar.
“ Ndërkohë që po vija këtu lexova një deklaratë shumë interesante të PD-së që po ua lexoj se është fantastike: “rekordi i Lulzim Bashës. 15 kilometra ecje në këmbë në Tiranë sot, e nisi ditën në Kamëz e mbylli në këmbë në Paskuqan, sot ka thyer një rekord thotë komunikata e PD. 3 orë e 20 minuta ka qenë në lëvizje pa ndalim”. E kishim Saliun që thyente rekorde për të ndenjur në ujë, doli dhe Luli që thyen rekorde duke ecur në këmbë, mbase ka dashur të thotë që unë s’dua timonin se e bëj rrugën në këmbë, por dua këpucë”, tha Rama në Maliq./tesheshi.com/
