Më shumë se 1.000 vdesin nga virusi koronar në Kinë
Autoritetet thonë se numri i vdekjeve vetëm të hënën ishte 108, më i larti në një ditë të vetme që nga fillimi i shpërthimit.
Kina ka raportuar 108 vdekje të reja nga koronavirusi, numri më i lartë i vdekjeve në një ditë që nga fillimi i epidemisë në Wuhan vitin e kaluar.
Kështu,numri i përgjithshëm i vdekjeve në Kinë arriti në 1.016 brenda mesnatës së së hënës, njoftoi Komisioni Kombëtar i Shëndetit.
Janë konfirmuar gjithsej dhe 2.488 infeksione të reja, duke rritur numrin e të infektuarve në 42.638.
Shumica e vdekjeve u raportuan në provincën Hubei, ku 103 njerëz vdiqën vetëm brenda një dite, përfshirë 67 të cilët vdiqën në kryeqytetin e provincës Wuhan.
Dy zyrtarë të lartë shëndetësorë në provincë – Zhang Jin, i cili ishte sekretar partie i Komisionit Shëndetësor në Hubei dhe Ling Yingzi, i cili ishte drejtor i Komisionit Shëndetësor Provincial Hubei – u pushuan nga postet e tyre, njoftojnë mediat shtetërore pasi Presidenti kinez Xi Jinping vizitoi institucionet shëndetësore në Pekin.
Në paraqitjen e tij të parë në publik që nga fillimi i shpërthimit, Xi veshi një maskë dhe kontrolloi temperaturën e tij gjatë vizitave te mjekët dhe pacientët në kryeqytet.
Organizata Botërore e Shëndetit vuri në dukje se 168 laboratorë në të gjithë botën aktualisht po kryejnë teste për të gjetur një kurë për këtë sëmundje vdekjeprurëse. /tesheshi.com/
