Një 20 vjeçar nga Venezuela ka thyer rekordin botëror dhe është futur në librin e rekordeve Guiness për këmbën më të gjatë në botë. Për rekordmenin Jeison Orlando Rodriguez Hernandez, këmba e tij gjigante është si bekim edhe mallkim, pasi i ka dhënë mundësinë të luajë një nga lojërat më të pëlqyera, siç është basketbolli, por ky faktor ka shkaktuar rënien pre e ofendimeve dhe bullizmit, në moshë të re, kur frekuentonte shkollën.
Si fëmija më i ri në moshë i katër fëmijëve në familjen e tij, Jeison u rrit në mënyrë normale deri në moshën 10 vjeçare, kohë kur ndodhën edhe ndryshimet e mëdha. Gjatësia e këmbës së tij u rrit dukshëm. Këmba e tij e djathtë, sot që flasim, ka përmasën e pabesueshme prej 40.1 cm, ndërsa e majta 39.6 cm.
“Kur mbusha 14 vjeç, prindërit ishin të detyruar të më bënin këpucë me porosi apo të më qepni vetë këpucët, prej materialit të pantallonave, por edhe ato zgjasnin vetëm dy apo tre javë”,- thotë Jeison.
“Këto janë disa anë negative me të cilat më është dashur të përballem. Shikoj njerëzit e tjerë dhe mendoj me vete se sa shumë do të doja të kisha një palë këpucë të rehatshme. Kam vuajtur shumë nga diskriminimi në shkollë. Ndodhte që nxënësit të më ofendonin e shpesh edhe të më godisnin. Kishte raste kur kthehesha në shtëpi i traumatizuar e megjithatë më pëlqente të studioja. Ende vazhdoj të studioj. Kur isha i vogël dhe shkoja në shkollë, doja që ime më të rrinte pranë meje, pasi ajo më mbronte kur fëmijët e tjerë talleshin me mua apo kur më trajtonin si një lodër”,- shton Jeison.
Nëna e Jeison, Amalia de Rodriquez thotë: “Mjekët e këshilluan tim bir të bënte një skaner, rezultatet e së cilit treguan se Jeison vuante nga zhvillimi hiperaktiv i hipofizës”. Kjo do të thotë se ai u rrit më shpejtë seç rriten fëmijët në normalitet. Ai është i gjatë plotë 2.2 metra. Prindërit e 20-vjeçarit u detyruan të kërkonin ndihmë mjekësore për Jeison kur ai pësoi këtë rritje masive në moshën 10 vjeçare, kohë në të cilën nisi të ketë edhe shumë dhimbje në trupë e në kokë.
Rekordi i mëparshëm për këmbën më të gjatë në botë është mbajtur nga fermeri turk Sultan Kosen. Ai gjithashtu mbante edhe rekordin për njeriun më të gjatë në botë, me një gjatësi plotë 2.51 metra./tesheshi.com/
