Komisioni Shtetëror i Zgjedhjeve të Maqedonisë Veriore kundërshtoi të gjitha, pra të 2.142 ankimimet e paraqitura nga partitë në zgjedhjet parlamentare të 15 korrikut.
Për 1.478 ankimime, nga gjithsej 1.982 të parashtruara nga partia e sapoformuar maqedonase E Majta, anëtarët e Komisionit përcaktuan që ata nuk kishin nënshkrimin e përfaqësuesit të autorizuar dhe vulën e mbajtësve të listës, ndërsa për 504 ankesat e tjera ata theksuan se nuk janë mbështetur me prova.
Edhe ankimimet e Aleancës për Shqiptarët u gjetën të pabazuara.
E njëjta gjë me ankimimet e demokratëve, SDU, Integra, Partia e Punëtorëve MORO, e cila nuk arriti të fitojë asnjë vend.
Komisioni Shtetëror i Zgjedhjeve gjithashtu hodhi poshtë ankimimet e paraqitura nga VMRO-DPMNE.
Palët kanë të drejtë të apelojnë vendimet e Komisionit Shtetëror të Zgjedhjeve në Gjykatën Administrative.
Zgjedhjet e parakohshme parlamentare u fituan ngushtë nga partia në pushtet, Aleanca Socialdemokrate e Maqedonisë (LSDM), Zoran Zaev, i cili fitoi 46 vende.
Opozita VMRO fitoi 44 vende, Bashkimi Demokratik për Integrim (BDI) i Ali Ahmetit 15, Aleanca për Shqiptarët 12, dy e Majta dhe Partia Demokratike e Shqiptarëve një vend në parlament. /tesheshi.com/
