Humbja e trupshme me Francën nuk jua ka ulur kokën Rejas dhe Hysajt, të cilët u shfaqën dhe me skena gajasjeje në një konferencë shtypi para takimit me Islandën.
Si risi, trajneri italian njoftoi kalimin e shiritit të kapitenit nga Mavraj te Hysaj, ndonëse i pari rezultoi më i miri në vlerësimet franceze e i dyti më i dobëti. E pos kësaj, zgjodhi të mos e kishte ksoovarin në formacionin bazë.
“Është një zgjedhje teknike, do të bëjë një vlerësim të të gjithë grupit. Përsa i përket Mërgimit është shumë i zoti në ajër, garanton një mbulim të mirë në goditje këndi. Në e vlërsojmë Islandën në bazë të ndeshjes së parë, ku nuk e toleruam. Duhet të bjëmë një vlerësim të grupit, për të luajtur më të mirët dhe ata që janë në formë. Normalisht është pozitive për në që ata që të jenë në fushë të jenë 100% të motivuar”, tha Reja.
Ndërsa Hysaj u shfaq kritika me reagimin e tifozerisë pas humbjes.
“I kërkoj tifozëve të jenë më të kujdesshëm dhe dua tu them që të mos fshiheni pas kompjuterit për të kritikuar e sharë lojtarët e kombetares.
Sigurisht që dikush do gabojë, por ne nuk vijmë të luajmë me kombëtaren për lekë, as me detyrim. Vijmë se e duam ekipin tonë dhe mezi presim, për këtë arsye jam i sigurtë, që secili nga djemtë jep 100% në fushë”, tha mbrojtësi i njohur kuqezi.
Për trajnerin Reja, Islanda është plotësisht e mundur të mundet.
“Kundërshtari është brenda aftësive tona, është një skuadër me vlera të rëndësishme, por jemi në kushte të përgjigjemi. Nëse lojtarët bëjnë detyrën dhe janë në 100% ne do të kemi mundësinë ta mundim Islandën, jam shumë i bindur që mund të bëjmë një ndeshje të madhe”. /tesheshi.com/
