Reisul-ulema-ja i Bashkësisë Islame në Bosnje, Husein ef. Kavazoviç, inicoi sot formimin e Komitetit Mbështetës të popullatës Rohingya.
Ky komitet do të punojë në drejtim të informimit të publikut boshnjak rreth gjenocidit mbi popullin Rohingya, dhe për të mbledhur ndihma për viktimat atje.
Reisul-Ulema tha për televizionin e Bashkësisë Islame – BIR, se Bosnja nuk mund të bëjnë shumë për të ndaluar gjenocidin ndaj popullit Rohingya dhe për t’i ndihmuar ata, por megjithatë duhet të bëjnë aq sa kanë mundësi.
“Askush si ne boshnjakët nuk e di se çfarë do të thotë të jesh viktimë e gjenocidit, dhe çfarë ndjenje është ajo kur e gjithë bota të kthen shpinën dhe të lë në pamëshirën e tiranit. Prandaj, mbi të gjitha, kemi obligim që të ngremë zërin tonë kundër përsëritjes së gjenocidit kudo në botë, dhe jo vetëm kaq, por gjithashtu duhet të përpiqemi t’ua lehtësojmë këtyre njerëzve gjendjen me veprime konkrete, ose të paktën përmes informimit, rreth asaj se çfarë po ndodh me ta, me shpresën se ata që mund ta ndalojnë këtë të keqe, ta bëjnë”, tha Reis-l-Ulema.
Sipas tij, Komiteti planifikon të bashkojë individë të shquar nga komuniteti islam, media, sektori joqeveritar dhe ekonomia, dhe do të jetë i hapur për të gjithë ata që kanë idenë se si mund të ndihmojmë myslimanët Rohingya. /tesheshi.com/
