Brukseli ka shprehur kritika ndaj Beogradit, për aktin më të fundit të autoriteteve serbe të cilat emëruan një gjeneral të dënuar për krime lufte si ligjërues në akademinë ushtarake të shtetit. Bëhet fjalë për Vladimir Lazareviç, i dënuar me 14 vjet burg nga Haga për krime lufte në Kosovë, e liruar më pas në 2015.
Zëdhënësja e BE-së, Maja Koncijançiç tha se kjo është kundër parimeve të Unionit, aty ku Serbia aspiron të bëhet anëtare një ditë. “Serbia, si një vend kandidat nuk guxon të devijojë nga këto parime. Emërimi i një të dënuari për krime lufte në Akademinë Ushtarake të Serbisë shkon pikërisht kundër këtyre parimeve”, tha Koncijançiç.
“Liderët politikë duhet të bëjnë përpjekje të tejkalojnë trashëgiminë e hidhur, dhe të ecin përpara në mënyrë konstruktive me besim të ndërsjellë, dialog dhe tolerancë”, tha më tej ajo duke e adresuar mesazhin e saj tek udhëheqja aktuale e Beogradit. /tesheshi.com/
