Kreu demokrat Basha e ka përkthyeër si masë ndëshkuese ndaj fjalës së lirë, faktin që AKEP ka vënë afat 72 orë për regjistrimin e një numri portalesh. Këtë instancë, Basha e ka pagëzuar si “Polici Mendimi në duart e Ramës”, referuar kushtit të vënë, ku përndryshe do ketë mbyllje për ato që nuk do figurojnë të regjistruara në shtet.
“AKEP është Policia e Mendimit në duart e Ramës për të kërcënuar lirinë e shprehjes dhe vrarë të vërtetën. Rama kërkon që mediat online të regjistrohen si biznese që t’u lëshojë tatimorët për t’i shantazhuar dhe dhunuar. Do të dështojë turpshëm, së bashku me veglat qorre në AKEP”, shkruan Basha.
Rama shpalli ditë më parë se do ndërmerrte hapat për një ligj anti-shpifje, e që sipas tij duhet të shoqërohet me regjistrimin e çdo portali. /tesheshi.com/
