Në një intervistë të ashpër, regjisori i njohur James Cameron e ka quajtur Donald Trump-in dhe ekipin e sapozgjedhur në Shtëpinë e Bardhë si të çmendur dhe idiot.
Duke folur për Daily Beast, Cameron, një aktivist mjedisor, tha se është shumë i shqetësuar se Trump do të prish hapat pozitivë të ndërmarra në vitet e fundit në drejtim të luftës kundër ndryshimeve të klimës.
“Vite më parë, ne vërejtëm ajsbergun para nesh, bëmë thirrje që të ndërrohet kursi i drejtimit, dhe bëmë përpjekje që anija ta shmangë atë; dhe pastaj erdhi Trump që mori timonin në duar dhe ktheu drejtimin e anijes përsëri kah qendra e ajsbergut”, tha Cameron.
“Kështu që, a jam i shqetësuar? Sigurisht që jam. Unë jam si çdo zë i ndërgjegjes së mirë dhe intelegjencës së arsyeshme.
“Unë mendoj se ne jemi qytetërimi më idiot në historinë e deritanishme, dhe ndoshta njerëzit do të flasin për ne pas 4.000 vitesh, duke kruar kokat e tyre – sikur po flasin për Atlantis:” Kush ishin ata djemë? Çfarë bënë ata? Çfarë i bënë Perëndisë që ta zemërojnë aq shumë, sa të zhyten kaq thellë në baltë?”, tha në fund të intervistës Cameron. /tesheshi.com/
