Evakuimi i rreth 700 kryengritësve dhe i familjeve të tyre nga një prej lagjeve të Homsit, në një numër të përgjithshëm prej 3.000 njerëzish, ka bërë që ky qytet të jetë tani nën kontrollin e plotë të forcave qeveritare siriane.
Regjimi i Beshar Esadit e deklaroi të dielën pastrimin e qytetit të tretë më të madh të vendit nga forcat opozitare të armatosura, diçka që ngjet për herë të parë në pesë vite.
I quajtur shumë më herët si kryeqendra e revoltës ndaj Esadit, qyteti ka rënë tërësisht në duart e regjimit.
Qeverisësi i provincës e ka quajtur arritje të madhe këtë, duke deklaruar se në qytet nuk kishte më militantë.
Një pjesë e këtyre të fundit kanë vajtur në Idlib, e të tjerë në Xherablus, në veriperëndim e në veri të Sirisë. /tesheshi.com/
