Në Madaja, pranë Damaskut, njerëzit po vdesin urie, duke e detyruar regjimin e Esadit të pranojë dërgimin e ndihmave nga OKB-ja.
E bën të ditur këtë një njoftim i OKB-së, ku thuhet: “Kombet e Bashkuara e mirëpresin aprovimin e sotëm nga qeveria e Sirisë për të hyrë në Madaja, Fua dhe Kefrejja, dhe po përgatiten të dërgojnë ndihma humanitare në ditët e ardhshme.”
Madaja, që gjendet pranë kufirit me Libanin, 20 kilometra në veriperëndim të Damaskut, është në duart e kryengritësve, e që prej korrikut është e rrethuar nga forcat qeveritare.
Njerëzit atje po vdesin nga uria dhe të ftohtit, ndërsa muıngojnë ushqimet, ilaçet, energjia elektrike e gjithçka tjetër.
Observatori Sirian për të Drejtat e Njeriut flet për më së paku 23 të vdekur, mes të cilëve dhe fëmijë.
Ndihmat e fundit kanë arritur në Madaja në 17 tetorin e vitit të shkuar, e kanë qenë veç 3.900 racione ushqimore. Që atëherë nuk ka patur më ndihma ushqimore apo humanitare të dërguara në atë zonë. /tesheshi.com/
