Përfaqësuesi i Sirisë në OKB, Beshar Xhaferi, u ka deklaruar gazetarëve pas një takimi me dyer të mbyllura të Këshillit të Sigurimit se PYD-ja, dega e PKK-së në Siri, gëzon mbështetjen e vendit të tij.
“Këta kurdë sirianë, të mbështetur nga administrata amerikane, mbështeten gjithashtu nga qeveria siriane,” kanë qenë fjalët e tij.
Deklarata e përfaqësuesit të Sirisë në OKB është pranimi për herë të parë në mënyrë të drejtpërdrejtë i bashkëpunimit të regjimit sirian me PYD-në, Partinë e Unionit Demokratik.
Mes Turqisë dhe SHBA-ve ka një mospajtim në lidhje me këtë çështje. Turqia e konsideron PYD-në si një organizatë terroriste, ndërsa SHBA-të e çmon si “partner të besueshëm”, e si “forcë luftarake efektive” në luftën kundër ISIS-it.
Erdogani, presidenti turk, do ta përsëriste dje kërkesën ndaj bashkësisë ndërkombëtare për ta njohur PYD-në si një organizatë terroriste.
“PYD-ja dhe YPG-ja janë organizata të regjimit të Esadit,” do të thoshte Erdogani.
Pohimi i sotëm i përfaqësuesit të Sirisë në OKB i bën më të besueshme pretendimet e Turqisë për PYD-në. /tesheshi.com/
