Turqia i tha Rusisë që të shmangin konfrontimin me ushtrinë e saj në Idlib të Sirisë, pasi sapo ka nisur një hakmerrje kundër regjimit të Bashar Asadit pas një sulmi që u morri jetën katër ushtarëve turq dhe la nëntë të tjerë të plagosur.
Ishte Presidenti Erdogan ai që vuri në dukje se ka biseduar me autoritetet ruse në lidhje me situatën në Idlib dhe u ka thënë atyre që të shmangin përballjen me forcat turke në zonë gjatë një operacioni për të parandaluar sulmet e vazhdueshme nga regjimi i Asadit.
Ai vazhdoi duke shtuar se operacioni në vazhdim turk kryhet bazuar në bisedime të shpeshta midis gjeneralëve turq dhe rusë në terren.
Erdogan vuri në dukje se rreth 30 deri 35 trupa të regjimit të Asadit u vranë në valën e parë të hakmarrjes.
“Ata që duan të provojnë vendosmërinë e Turqisë në lidhje me Idlibin e Sirisë me sulme të tilla të pabesa, do ta kuptojnë gabimin e tyre,” u tha Erdogan gazetarëve përpara nisjes së tij për në Ukrainë.
Megjithëse Turqia dhe Rusia kanë rënë dakord të ndalojnë aktet e agresionit dhe ta kthejnë Idlibin në një zonë të deskalimit, regjimi sirian ka shkelur vazhdimisht armëpushimin, duke nisur sulme të shpeshta brenda zonës së de-përshkallëzimit. /tesheshi.com/
