Zvicra ka pezulluar procesin e dhënies së shtetësisë për familjen e dy vëllezërve adoleshentë musliamanë pasi djemtë refuzuan të shtrëngojnë duart me mësueset e tyre, gjë që nxiti një debat kombëtar në lidhje me liritë fetare.
Vëllezërit e moshës 14 dhe 15 vjeç kishin informuar zyrtarët e arsimit në provincën veriore të Thervilit se kontakti fizik me gra që nuk janë anëtare të familjes dhunonte besimin e tyre.
Ata më pas u përjashtuan nga detyrimi për të zbatuar zakonin zviceran të shtrëngimit të duarve me mësuesit, pasi zyrtarët e Thervilit i instruktuan ata të shmangin kontaktin edhe me mësuesit meshkujt për të shmangur diskriminimin gjinor.
Por ky kompromis solli një reagim të ashpër nga politikanë kryesorë zviceranë ku përfshihej edhe ministrja e Drejtësisë, Simonetta Sommaruga, e cila këmbënguli se “shtrëngimi i duarve është pjesë e kulturës zvicerane.
Pas këtyre ngjarjeve, autoritetet në kantonin e Baselit ku ndodhet edhe Thervili njoftuan se kanë pezulluar procedimin e natyralizimit të familjes së djemve.
Zëdhënësi i kontesë së Bazelit, Adrian Baumgartner, me anë të një email-i konfirmoi raportimet e agjencisë së lajmeve ATS në lidhje me vendimin për pezullimin e procesit të dhënies së shtetësisë për familjen në fjalë.
Raporti në media vinte në dukje gjithashtu se pezullime të tilla janë të zakonshme gjatë procedurave për dhënien e shtetësisë pasi autoritetet shpesh kërkojnë informacione shtesë në lidhje me familjet që i janë nënshtruar procesit.
Mes një stuhie mediatike që u ngrit rreth kompromisit për shtrëngimin e duarve, konteja kërkoi opinionin e ekspertëve ligjorë, të cilin u zotua ta merrte parasysh.
Babai i dy djemve, imam i vendosur në Bazel me shtetësi siriane, mbërriti në Zvicër në vitin 2001 dhe fitoi të drejtën e azilit. Zyra e emigracionit të Bazelit tashmë po kërkon më shumë të dhëna për rrethanat nën të cilat u miratua kërkesa e azilit për të.
Popullsia e Zvicrës prej 8 milionë njerëzish ka në përbërje edhe shumë muslimanë, rreth 350 mijë të tillë. Konflikte të mëparshme që kanë kapur titujt e mediave kanë qenë disa debate për zakonet e ndryshme, si kur prindërit muslimanë kërkuan që vajzat e tyre të përjashtoheshin nga mësimet e notit.
Familjet muslimane, sidoqoftë, kanë arritur fitore në gjykata kundër shkollave që kërkuan të ndalonin mbulimin e plotë të fytyrës. Përgatiti: Juli Prifti – /tesheshi.com/
